ரூ.95 லட்சத்துக்கு பருத்தி, எள் விற்பனை

இடைப்பாடி, கொங்கணாபுரத்தில் உள்ள கூட்டுறவு விற்பனை சங்க கிளையில், பருத்தி ஏலம் நேற்று நடந்தது. சுற்றுவட்டார விவசாயிகள், 3,250 மூட்டைகளை கொண்டு வந்தனர். பி.டி., ரகம், 100 கிலோ மூட்டை, 6,650 முதல், 7,699 ரூபாய்; கொட்டு ரகம், 3,750 முதல், 5,550 ரூபாய் வரை விலைபோனது. இதன்மூலம், 90 லட்சம் ரூபாய்க்கு விற்பனை நடந்தது. கடந்த வாரத்துடன் ஒப்பிடுகையில், பி.டி., ரகம் குறைந்தபட்ச விலையில், 300 ரூபாய் அதிகரித்தது. கொட்டு ரகம், 900 ரூபாய் குறைந்தது. அதேபோல் எள் ஏலத்துக்கு, 45 மூட்டைகள் கொண்டு வரப்பட்டன. கிலோ வெள்ளை எள், 87 முதல், 120 ரூபாய், சிவப்பு எள், 82 முதல், 105 ரூபாய் வரை விலைபோனது. இதன்மூலம், 5 லட்சம் ரூபாய்க்கு விற்பனை நடந்தது. பருத்தி, எள் சேர்ந்து, 95 லட்சம் ரூபாய்க்கு விற்பனை நடந்தது.