மேட்டூர் அணை நீர்வரத்து; 25,098 கன அடியாக சரிவு

மேட்டூர்: மேட்டூர் அணையின் மொத்த நீர்மட்டம், 120 அடி. தமிழகம் - கர்நாடகா எல்லையிலுள்ள காவிரி, அதன் உபரி நதிகளின் நீர்ப்பிடிப்பு பகுதியில் பருவமழை தீவிரம் அடைந்தது. கடந்த, 3 காலை, 8:00 மணிக்கு வினாடிக்கு, 9,246 கனஅடியாக இருந்த அணை நீர்வரத்து, இரவு, 8:00 மணிக்கு, 29,021 கனஅடியாகவும், நேற்று முன்தினம், 32,240 கனஅடியாகவும் அதிகரித்தது. ஆனால் நேற்று முன்தினம் மழை தீவிரம் குறைந்ததால், அணை நீர்வரத்து நேற்று வினாடிக்கு, 25,098 கனஅடியாக சரிந்தது. அணையில் இருந்து, 1,000 கனஅடி நீர் பாசனத்துக்கு திறக்கப்பட்டது. திறப்பை விட வரத்து கூடுதலாக இருந்ததால், நேற்று முன்தினம், 113.21 அடியாக இருந்த அணை நீர்மட்டம் நேற்று, 114.58 அடியாக உயர்ந்தது. நீர்இருப்பு, 85.09 டி.எம்.சி.,யாக இருந்தது.