மேட்டூர் அணை நீர் திறப்பு 10,000 கன அடியாக குறைப்பு
மேட்டூர்: மேட்டூர் அணையின் மொத்த நீர்மட்டம், 120 அடி. காவிரி நீர்பிடிப்பு பகுதியில் பெய்த மழையால், அணை கடந்த, 31ல் நிரம்பியது. வினாடிக்கு, 500 கனஅடியாக இருந்த அணை டெல்டா நீர்திறப்பு, 1ல், 1,000 கனஅடி, 2ல், 1,500 கனஅடி, 3ல், 12,000 கனஅடியாக அதிகரிக்கப்பட்டது.ஆனால் நேற்று காலை, 8:00 மணிக்கு டெல்டா நீர் திறப்பு வினாடிக்கு, 10,000 கனஅடியாக குறைக்கப்பட்டது. அணை நீர்மட்டம், 117.21 அடி, நீர் இருப்பு, 89.09 டி.எம்.சி.,யாக இருந்தது. காவிரி நீர்பிடிப்பு பகுதியில் நீடிக்கும் வறட்சியால் நேற்று முன்தினம் வினாடிக்கு, 828 கனஅடியாக இருந்த மேட்டூர் அணை நீர்வரத்து, நேற்று, 748 கனஅடியாக சரிந்தது.