முன்னாள் படைவீரர் தொழில் தொடங்க ரூ.1 கோடி கடனுதவி
சேலம்: முன்னாள் படை வீரர் நலனுக்கு, 'முதல்வரின் காக்கும் கரங்கள்' எனும் புது திட்டத்தில் சேலம் மாவட்டத்தில் முன்னாள் படைவீரர்கள் தொழில் தொடங்க, 1 கோடி ரூபாய் வரை, வங்கிகள் மூலம் கடன் பெற வழி செய்யப்பட்டுள்ளது. இத்திட்டம் மூலம் தொடங்கப்படும் தொழிலுக்கு வழங்கப்படும் கடன் தொகையில், 30 சதவீதம் மூலதன மானியம், 3 சதவீதம் வட்டி மானியமும் பெறலாம். தொழில் தொடங்க விருப்பமுள்ள முன்னாள் படை வீரர்கள், சேலம் கலெக்டர் அலுவலகத்தில் உள்ள, முன்னாள் படை வீரர்கள் நல உதவி இயக்குனர் அலுவலகத்தில் மனு வழங்கி பயன்பெறலாம் என, கலெக்டர் பிருந்தாதேவி தெரிவித்துள்ளார்.