கட்டிக்குளத்தில் அவதார விழா

மானாமதுரை: கட்டிக்குளம் சூட்டுக்கோல் மாயாண்டி சுவாமி அவதரித்த தினத்தை முன்னிட்டு ஜூலை 20ம் தேதி காலை 7:15 மணி முதல் 10:00 மணிக்குள் கருப்பனேந்தல் மடம் தவச்சாலையில் அமைந்துள்ள சூட்டுக்கோல் மாயாண்டி சுவாமி முதலாவது ஜீவ ஒடுக்கமான இடத்தில் நடக்கும் அவதார விழாவை முன்னிட்டு ஹோமங்கள் வளர்க்கப்பட்டு பூர்ணாஹூதி பூஜை, நடத்தப்படுகிறது.தொடர்ந்து அபிஷேக, ஆராதனையும் நடைபெற உள்ளது. இரவு 8:00 மணிக்கு பூப்பல்லக்கில் சுவாமி வீதி உலா நடைபெற உள்ளது. ஏற்பாடுகளை கட்டிக்குளம் சூட்டுக்கோல் மாயாண்டி சுவாமிகள் அவதார இல்ல பரம்பரை தர்மகர்த்தா பரமசிவம் மற்றும் நிர்வாகிகள் சேகர், தண்டாயுதபாணி மற்றும் கட்டிக்குளம் கிராம மக்கள் செய்து வருகின்றனர்.