கொப்புடையநாயகி அம்மன் கோயிலில் இன்று தேரோட்டம்

காரைக்குடி: காரைக்குடி கொப்புடையநாயகி அம்மன் கோயிலில் இன்று தேரோட்டம் நடக்கிறது.காரைக்குடி கொப்புடையநாயகி அம்மன் கோயில் செவ்வாய் திருவிழா, மே 13ம் தேதி காப்பு கட்டுதலுடன் தொடங்கியது. தொடர்ந்து அம்மன் சிம்ம வாகனத்தில் வீதி உலா வந்தார். விழா நாட்களில் தினமும் அம்மன் புறப்பாடும் பக்தி உலாவும், இரவு தீபாராதனை, வாகனங்களில் வீதி உலா நிகழ்ச்சி நடக்கிறது. முக்கிய நிகழ்ச்சியான தேரோட்டம் இன்று மாலை 5:00 மணிக்கு நடக்கிறது. தொடர்ந்து காட்டம்மன் கோயிலுக்கு அம்மன் எழுந்தருளல், நாளை காலை 9:00 மணிக்கு தேர் புறப்பட்டு கொப்புடையநாயகி அம்மன் கோயிலுக்கு திரும்பும் நிகழ்ச்சி நடக்கிறது. மே 22ம் தேதி மாலை தெப்பத்திருவிழாவும் மறுநாள் அதிகாலை புஷ்ப பல்லக்கும் நடைபெறுகிறது.