அரியக்குடி கோயிலில் கொடியேற்றம்
காரைக்குடி: காரைக்குடி அருகேயுள்ள அரியக்குடி திருவேங்கடமுடையான் கோயில் வைகாசி திருவிழா நேற்று கொடியேற்றத்துடன் தொடங்கியது. தென்திருப்பதி என்றழைக்கப்படும் அரியக்குடி திருவேங்கடமுடையான் கோயில் வைகாசி திருவிழா நேற்று காலை 10:45 மணிக்கு கொடியேற்றத்துடன் தொடங்கியது. தினமும் சுவாமி பல்வேறு வாகனங்களில் எழுந்தருளும் நிகழ்ச்சி நடைபெறும். ஜூன் 8 திருக்கல்யாணமும்,தேரோட்டம் ஜூன் 11ம் தேதி மாலை நடைபெறுகிறது. ஜூன் 14 தெப்பமும், ஜூன் 15 புஷ்ப பல்லக்கும், விடையாற்றியும் நடைபெறுகிறது. ஏற்பாடுகளை பரம்பரை அறங்காவலர் முத்துமீனாட்சி, செயல் அலுவலர் விநாயகவேல் செய்து வருகின்றனர்.