கண்டதேவி சொர்ண மூர்த்தீஸ்வரர் கோயிலில் ஜூன் 30 கொடியேற்றம்

தேவகோட்டை:தேவகோட்டை அருகே கண்டதேவியில் சொர்ணமூர்த்தீஸ்வரர் பெரியநாயகி அம்மன் கோயில் உள்ளது.இக்கோயில் ஆனித் திருவிழா பிரமோத்ஸவம் 10 நாட்கள் நடைபெறும்.இந்தாண்டு திருவிழா ஜூன் 30 காலை 9:00 மணி கொடியேற்றத்துடன் தொடங்குகிறது. அன்று மாலை 5:00 மணிக்கு காப்பு கட்டுதல் நடக்கிறது.தினமும் இரவு சுவாமி, அம்பாளுக்கு பரிவார மூர்த்திகள் சிறப்பு அபிஷேகம் செய்யப்பட்டு அலங்காரத்தில் வாகனங்களில் வீதி உலா நடைபெற உள்ளது.ஒன்பதாம் நாளான ஜூலை 8 ந் தேதி அதிகாலை 5:00 மணிக்கு மேல் 6:30 மணிக்குள் சொர்ணமூர்த்தீஸ்வரர் தேரில் எழுந்தருள்கிறார். அன்று தேரோட்டம் நடைபெற உள்ளது. முன்னதாக கண்டதேவியில் உள்ள குங்கும காளியம்மன் கோயில் திருவிழா 17 ந்தேதி மாலை 6:00 மணியளவில் கொடியேற்றத்துடன் தொடங்குகிறது. ஜூன் 28 ந்தேதி அம்மன் கோயில் தேரோட்டம் நடைபெறும்.