திருப்புவனத்தில் மருத்துவ முகாம்

சிவகங்கை: திருப்புவனம் அரசு மகளிர் மேல்நிலைப் பள்ளியில் செப்.,6 அன்று நலம் காக்கும் ஸ்டாலின் சிறப்பு மருத்துவ முகாம் நடைபெற உள்ளது. இம்முகாமில் ரத்த பரிசோதனை, இ.சி.ஜி., உள்ளிட்ட பல்வேறு மருத்துவ சிகிச்சை இலவசமாக வழங்கப்படும். மேலும் கண், காது மூக்கு தொண்டை, பல், எலும்பு, நரம்பியல், மனநலம், சர்க்கரை நோய், நுரையீரல், பொது, இதய உட்பட 17 வகையான சிகிச்சைகள் அளிக்கப்பட உள்ளது. டாக்டர்கள் பரிந்துரை செய்யும் நோயாளி களுக்கு எக்கோ, எக்ஸ்ரே, அல்ட்ரா சவுண்ட் ஸ்கேன், கர்ப்ப பை, மார்பக வாய் புற்றுநோய் பரிசோதனை மேற்கொள்ளப்படும். முதல்வரின் மருத்துவ காப்பீடு, மாற்றுத் திறனாளிகளுக்கான சான்றுகள் வழங்கப்படும். முகாமில் பங்கேற்போர் தங்களது ஆதார் அட்டை யுடன் வரவேண்டும். முதல்வரின் காப்பீடு அட்டை பெற விரும்புவோர் ரேஷன் கார்டு, ஆதார் அட்டை, ஆண்டுக்கு ரூ.1.20 லட்சத்திற்குள் வருவாய் சான்று வி.ஏ.ஓ., விடம் பெற்று வர வேண்டும் என தெரிவிக்கப்பட்டுள்ளது.