ஆசிரியர் சங்க கூட்டம்
சிவகங்கை: தமிழ்நாடு ஆரம்பப்பள்ளி ஆசிரியர் கூட்டணி சிவகங்கை மாவட்ட செயற்குழு கூட்டம் அரசு ஊழியர் சங்க அலுவலகத்தில் நடந்தது. மாவட்ட தலைவர் புரட்சித் தம்பி தலைமை வகித்தார். மாநில துணைத் தலைவர் ஆரோக்கியராஜ், மாநில செயற்குழு உறுப்பினர் முத்துப்பாண்டியன் முன்னிலை வகித்தனர்.மாவட்ட செயலாளர் சகாயதைனேஸ் தீர்மானங்களை முன்மொழிந்து பேசினார். மாவட்ட பொருளாளர் கலைச்செல்வி, மாநில பொதுக்குழு உறுப்பினர்கள் ரவி, குமரேசன், சிங்கராயர், மாவட்ட துணைத் தலைவர்கள் அமலசேவியர், சேவியர் சத்தியநாதன், மாவட்ட துணைச் செயலாளர்கள் பஞ்சுராஜ், முத்துக்குமார், கஸ்துாரி, கல்வி மாவட்ட நிர்வாகிகள் பாலகிருஷ்ணன்,ஜோசப், ஜெயக்குமார் கலந்து கொண்டனர்.