சுருளி அருவியில் இன்று நாய் கண்காட்சி

கம்பம்: சுருளி அருவியில் ஆண்டுதோறும் சாரல் விழா மாவட்ட நிர்வாகத்தின் சார்பில் நடத்தப்படுகிறது. இந்தாண்டு இன்றும் ( செப். 27 ) , நாளையும் நடைபெறுகிறது. சாரல் விழாவில் அனைவரையும் கவரும் நிகழ்ச்சியாக நாய் கண்காட்சி இன்று மாலை 3 மணிக்கு நடைபெறுகிறது. இதில் நாட்டு நாய்கள் வெளிநாட்டு இனங்கள் என தனித் தனியாக நடத்தப்படும். ஒவ்வொன்றுக்கும் தலா 3 பரிசுகள் வீதம் வழங்கப்படுகிறது. பங்கேற்கும் நாய்களுக்கு பெல்ட், உணவு மற்றும் சான்றிதழ் வழங்கப்படும், நாய் வளர்ப்பவர்கள் கண்காட்சியில் தங்களின் செல்லப்பிராணிகளை காட்சிப்படுத்தி பரிசுகளை பெற்று செல்ல அழைக்கின்றோம் என கால்நடை பராமரிப்பு துறையின் இணை இயக்குநர் கோயில் ராஜா அறிவித்துள்ளார்.