திருவள்ளூரில் தொடரும் பேனர் கலாசாரம்

திருவள்ளூர்:சென்னை பள்ளிக்கரணையில் நெடுஞ்சாலையில் வைக்கப்பட்டிருந்த பேனர் விழுந்ததில் சுபஸ்ரீ, 23 என்ற பெண் லாரியில் சிக்கி இறந்தார்.இதையடுத்து நெடுஞ்சாலையோரங்களில் விளம்பர பேனர்கள் வைக்க உயர் நீதிமன்றம் தடை விதித்து உத்தரவிட்டது.இந்நிலையில், உயர் நீதிமன்றம் உத்தரவிட்டும், சென்னை - பெங்களூரு தேசிய அதிவிரைவு தேசிய நெடுஞ்சாலை, திருமழிசை - ஊத்துக்கோட்டை நெடுஞ்சாலை, திருவள்ளூர் - ஸ்ரீபெரும்புதுார் நெடுஞ்சாலை ஆகிய பகுதிகளில் உயரமான கட்டடங்கள் மீது விளம்பர பேனர்கள் மற்றும் திருமண வரவேற்பு பேனர்கள், மொபைல்போன் டவர்கள் வைப்பது தற்போது அதிகரித்து வருகிறது.மேலும், திருவள்ளூரில் கலெக்டர் அலுவலகம் எதிரில், ஜே.என்.சாலை, சி.வி. சாலை, திருவள்ளூர் - ஆவடி புறவழிச் சாலை, ஊத்துக்கோட்டை, பெரியபாளையம், தாராட்சி, பூண்டி, ஒதப்பை, திருத்தணி பஜார் பகுதி, மேல் திருத்தணி, சென்னை - திருப்பதி தேசிய நெடுஞ்சாலை, கே.ஜி. கண்டிகை.மீஞ்சூர், பொன்னேரி, தச்சூர், காரனோடை, கும்மிடிப்பூண்டி பாலகிருஷ்ணாபுரம் சந்திப்பு, சிறுவாபுரியில் பேனர் வைப்பது அதிகரித்துள்ளது.இவ்வாறு வைக்கப்படும் விளம்பர பேனர்களால் மற்றும் மொபைல்போன் டவர்களால் வாகன ஒட்டிகள் கவனம் சிதறி விபத்து ஏற்படும் நிலை உள்ளது.