கிருஷ்ணா கால்வாயில் மூழ்கி வேப்பம்பட்டு வாலிபர் பலி

வேப்பம்பட்டு:வேப்பம்பட்டு அண்ணாநகர் பகுதியைச் சேர்ந்தவர் ஹரிகிருஷ்ணன், 30. சிலிண்டர் டெலிவரி பணி செய்து வருகிறார்.நேற்று மதியம் 12:30 மணியளவில் தொட்டிக்கலையில் இருந்து அயத்துார் செல்லும் சாலையில் உள்ள கிருஷ்ணா கால்வாயில் நண்பர்களுடன் குளிக்க சென்றவர் தண்ணீரில் மூழ்கி மாயமானார். தகவலறிந்த செவ்வாப்பேட்டை போலீசார் தேடி வந்தனர். நேற்று மாலை 5:00 மணியளவில் திருநின்வூர் அடுத்த பாக்கம் பகுதியில் உள்ள கிருஷ்ணா கால்வாயில் ஆண் சடலம் கிடப்பதாக செவ்வாப்பேட்டை போலீசாருக்கு தகவல் கிடைத்தது. செவ்வாப்பேட்டை போலீசார் சென்று ஹரிகிருஷ்ணன் உடலை கைப்பற்றி, திருவள்ளூர் அரசு மருத்துவக்கல்லுாரி மருத்துவமனைக்கு அனுப்பி வைத்து விசாரித்து வருகின்றனர்.