லாரி மோதி விபத்து :மாற்றுத்திறனாளி பலி
கும்மிடிப்பூண்டி: கும்மிடிப்பூண்டி அருகே லாரி மோதியதில், நடந்து சென்ற மாற்றுத்திறனாளி உயிரிழந்தார். கும்மிடிப்பூண்டி அடுத்த ஆரம்பாக்கம் அருகே, பாட்டைகுப்பம் மீனவ கிராமத்தில் வசித்தவர் செல்வம், 46; மாற்றுத்திறனாளி. நேற்று காலை, சென்னை - கொல்கட்டா தேசிய நெடுஞ்சாலையில் அமைந்துள்ள ஆரம்பாக்கம் பஜார் பகுதியில் நடந்து சென்றார். அப்போது, ஆந்திராவில் இருந்து சென்னை நோக்கி சென்ற லாரி, அவர் மீது மோதியது. இதில், லாரியின் முன் சக்கரத்தில் சிக்கி உடல் நசுங்கி உயிரிழந்தார். ஆரம்பாக்கம் போலீசார் விசாரிக்கின்றனர்.