குருவராஜகண்டிகையில் நாளை மருத்துவ முகாம்

கும்மிடிப்பூண்டி:கவரைப்பேட்டை அருகே, இலவச பல்நோக்கு மருத்துவ முகாம் நடைபெற உள்ளது. சத்யசாய் சேவா நிறுவனம் சார்பில், கவரைப்பேட்டை அடுத்த குருவராஜகண்டிகை கிராம பேருந்து நிறுத்தம் அருகே அமைந்துள்ள ஷீரடி சாய்பாபா கோவில் வளாகத்தில், நாளை காலை 8:30 - பகல் 12:30 மணி வரை, இலவச பல்நோக்கு முகாம் நடைபெற உள்ளது. முகாமில் பொது மருத்துவம், பெண்கள் மருத்துவம், கண், பல், தோல் மருத்துவம் உள்ளிட்ட துறை மருத்துவர்கள் பங்கேற்கின்றனர். மேலும், எக்ஸ்ரே, அல்ட்ரா சவுண்ட், ரத்த அழுத்தம், சர்க்கரை நோய் உள்ளிட்ட பரிசோதனைகளும் மேற்கொள்ளப்படும். முகாமில் பங்கேற்க விரும்புவோர், நாளை காலை 8:00 - 11:30க்குள் பெயர் பதிவு செய்ய வேண்டும் என, தெரிவிக்கப்பட்டு உள்ளது.