ஊரக வேலை உறுதி திட்ட தொழிலாளர்கள் போராட்டம்
உடுமலை: உடுமலை, கொடிங்கியம் ஊராட்சியில், நுாறு நாள் வேலை திட்ட தொழிலாளர்களுக்கு, 3 மாதமாக சம்பளம் வழங்காததைக்கண்டித்து போராட்டம் நடந்தது.மா.கம்யூ., உடுமலை ஒன்றியம், கொடிங்கியம் ஊராட்சியில், நுாறு நாள் வேலை திட்ட தொழிலாளர்களுக்கு, 3 மாதமாக ஊதியம் வழங்காததை கண்டித்தும், உடனடியாக வழங்க வலியுறுத்தியும், கொடிங்கியம் ஊராட்சி அலுவலகம் முன் ஆர்ப்பாட்டம் நடந்தது.கமிட்டி உறுப்பினர் தமிழ்தென்றல் தலைமை வகித்தார். கிளைச்செயலாளர்கள் வஞ்சிமுத்து, ஈஸ்வரன், ரத்தினசாமி, சக்திவேல் உள்ளிட்ட ஏராளமான தொழிலாளர்கள் பங்கேற்றனர்.தொடர்ந்து, ஊராட்சி செயலரிடம் மனு அளிக்கப்பட்டது.