மாவட்ட கேரம் போட்டி; மாணவர்கள் ஆர்வம்

திருப்பூர்,; மாவட்ட கல்வித்துறை சார்பில், வருவாய் மாவட்ட புதிய விளையாட்டு போட்டி துவங்கி, நடந்து வருகிறது. இதில், மாணவர்களுக்கான கேரம் போட்டி நடந்தது. 14 வயதுக்குட்பட்டோர் ஒற்றையர் பிரிவில், திருப்பூர் தெற்கு மண்டலம், அய்யன்காளிபாளையம், வி.கே.,அரசு மேல்நிலைப்பள்ளி மாணவர் சந்தோஷ் முதலிடம்; இரட்டையர் பிரிவில், உடுமலை மண்டலம், குப்பம்பாளையம் அரசு பள்ளி அணி மாணவர்கள் மாரிமுத்து, கவினேஷ் ஜோடி ஆகியோர் முதலிடம் பெற்றனர். 17 வயதுக்குட்பட்டோர் ஒற்றையர் பிரிவில், திருப்பூர் தெற்கு மண்டலம், பெருந்தொழுவு அரசு மேல்நிலைப்பள்ளி மாணவன் தர்ஷன் முதலிடம்; இரட்டையர் பிரிவில், அதே பள்ளியின் தர்ஷன், கதிர்வேல் ஜோடி முதலிடம் பெற்றனர். 19 வயதுக்குட்பட்டோர் ஒற்றையர் பிரிவில், வி.கே., அரசு பள்ளி மாணவர் பிரவின்குமார் முதலிடம்; இரட்டையர் பிரிவில் அதே பள்ளியின் பிரவின் குமார், சபரிஷ் ஜோடி முதலிடம் பெற்றனர்.