குறுமைய போட்டியில் கதிரவன் பள்ளி கலக்கல்
திருப்பூர் : மங்கலம் கதிரவன் மெட்ரிக்., மேல்நிலைப்பள்ளியில் நடைபெற்று முடிந்த குறுமைய அளவிலான தடகள விளையாட்டு போட்டியில், பள்ளி மாணவ, மாணவியர் பங்கேற்றனர். இதில், குண்டெறிதல் போட்டியில், மாணவன் விஜூ, இரண்டாமிடம், நீளம் தாண்டுதலில் மூன்றாமிடம் பிடித்து, மாவட்ட அளவில் தகுதி பெற்றனர். மாணவி பிரதீபா, நீளம் தாண்டுதல் போட்டியில், மூன்றாமிடம் பிடித்தார். வெற்றி பெற்றவர்களை பள்ளி தாளாளர் சரண்யா, செயலாளர் ராஜ்குமார், பள்ளி முதல்வர் காந்தி பிரியதர்ஷினி ஆகியோர் பாராட்டினர்.