பல்லடத்தில் நாளை ஆண்களுக்கு கு.க., முகாம்

திருப்பூர்; வரும், 22ம் தேதி, பல்லடம் அரசு மருத்துவமனையில் ஆண்களுக்கான கு.க., முகாம் நடக்கிறது.மாவட்ட குடும்ப நலத்துறை துணை இயக்குனர் (பொறுப்பு) கவுரி அறிக்கை: ஆண்களுக்கான நவீன தழும்பில்லா குடும்ப நல கருத்தடை (வாசக்டமி) சிகிச்சை முகாம் வரும், 22ம் தேதி, பல்லடம் அரசு மருத்துவமனையில் நடக்கிறது. பெண்களுக்கான கருத்தடை அறுவை சிகிச்சைகளை காட்டிலும், எளிதான ஆண்களுக்கான நவீன கருத்தடை முறையை ஏற்று, மனைவியின் சுமையை குறைக்கலாம். இச்சிகிச்சை பயிற்சி பெற்ற சிறந்த மருத்துவ நிபுணர்களை கொண்டு, பத்து நிமிடங்களில் இலவசமாக செய்யப்பட உள்ளது. வாசக்டமி சிகிச்சை முறையை ஏற்கும் தகுதி வாய்ந்த ஆண்கள் வரவேற்கப்படுகின்றனர். அரசின் ஊக்கத்தொகையாக, 3,100 ரூபாய் வழங்கப்படும். மேலும் விபரங்களுக்கு 99422 59775, 80728 65541 ஆகிய எண்களில் தொடர்பு கொள்ளலாம்.