உடைந்ததால் தாளம்; சரிந்தாலோ பாதாளம்

எங்கும் குப்பைதிருப்பூர், கணபதிபாளையத்தில் இருந்து அல்லாளபுரம் பள்ளி செல்லும் ரோட்டில், குப்பை வழிநெடுகவும் கொட்டப்படுகிறது. சுகாதாரக்கேடு ஏற்படுகிறது.- ஸ்ரீ தரன், அல்லாளபுரம். (படம் உண்டு)தீவிபத்து அபாயம்திருப்பூர், 25வது வார்டு, வ.உ.சி., நகர் குறுக்குச்சந்தில், டிரான்ஸ்பார்மர் அருகே கொட்டப்படும், குப்பையால் தீ பிடித்து விடும் அபாயம் உள்ளது.- சங்கர், வளையங்காடு. (படம் உண்டு)ஒளிராத விளக்குதிருப்பூர், தாராபுரம் ரோடு, சேரன் தொழிலாளர் காலனி, 7வது வீதியில் தெருவிளக்குகள் எரிவதில்லை. இருள் சூழ்ந்து காணப்படுகிறது. எரியாத விளக்குகளை மாற்றி புதுவிளக்கு பொருத்த வேண்டும்.- கோவிந்தராஜூ, சேரன் தொழிலாளர் காலனி. (படம் உண்டு)பல்லாங்குழி சாலைஅவிநாசி, வேலாயுதம்பாளையம், பெரிய கருணைபாளையத்தில் ரோடு குண்டும் குழியுமாக உள்ளது. வாகன ஓட்டிகள் தடுமாறி விழுகின்றனர்.- யோகேஷ்குமார், பெரிய கருணைபாளையம். (படம் உண்டு)வீணாகும் தண்ணீர்திருப்பூர், கோவில்வழி - அமராவதிபாளையம் வழியில் குழாய் உடைந்து அடிக்கடி தண்ணீர் வீணாகிறது. ஊராட்சி நிர்வாகம் கண்டுகொள்ளவே இல்லை.-ராமமூர்த்தி, அமராவதிபாளையம். (படம் உண்டு)அருகில் ஆபத்துதிருப்பூர், பழைய மார்க்கெட் வீதியில், பாதாள சாக்கடை மூடி உடைந்து 'ஆட்டம்' காண்கிறது. திடீரென சரிந்து விழுந்தால், ஆபத்து காத்திருக்கிறது.- அருணாச்சலம், பழைய மார்க்கெட் வீதி. (படம் உண்டு)ஓரத்தில் பலகைதிருப்பூர், பாலாஜி நகரில் அறிவிப்பு பலகை சேதமாகி, கால்வாய் ஓரத்தில் கிடக்கிறது. மாநகராட்சி நிர்வாகம் சீர்செய்ய வேண்டும்.- சந்தியா, பாலாஜி நகர். (படம் உண்டு)மின் விபத்து அபாயம்திருப்பூர், துரைசாமிபுரம் முதல்வீதி, மில்லர் ஸ்டாப் அருகில் மின் கம்பிகளுக்கு நடுவே மரக்கிளைகள் செல்வதால், மின் விபத்து ஏற்படும் அபாயம் உள்ளது. மரக்கிளைகளை அகற்ற வேண்டும்.- சாந்தி, துரைசாமிபுரம். (படம் உண்டு)