ஆதிபராசக்தி சித்தர் சக்தி பீடங்களில் குடமுழுக்கு

விழுப்புரம்: விழுப்புரம் மேல்மருவத்துார் ஆதிபராசக்தி ஆன்மிக இயக்கம் சார்பில், ஆதிபராசக்தி சித்தர் சக்தி பீடங்கள் குடமுழுக்கு விழா நாளை நடக்கிறது. இதையொட்டி, விழுப்புரம் நாராயணா நகர் சக்தி பீடத்தில் காலை 9:00 மணிக்கு மேல் 9:30 மணிக்குள்ளும், கிழக்கு பாண்டி ரோடு சக்தி பீடத்தில் காலை 10:00 மணிக்கு மேல் 10:30 மணிக்குள்ளும் குடமுழுக்கு நடக்கிறது. மேல்மருவத்துார் ஆதிபராசக்தி ஆன்மிக இயக்க பெருந்தலைவர் லட்சுமி பங்காரு அடிகளார் மற்றும் துணைத் தலைவர் செந்தில்குமார் ஆகியோர் புனித நீர் ஊற்றுகின்றனர். ஏற்பாடுகளை மாவட்ட தலைவர் மூர்த்தி, பொருளாளர் மணிவாசகர் மற்றும் பக்தர்கள் செய்து வருகின்றனர்.