தம்பதியை தாக்கிய 2 பேர் மீது வழக்கு

விழுப்புரம்: விழுப்புரம் அருகே மது அருந்தியதை தட்டிக்கேட்ட தம்பதியை தாக்கியவர்கள் மீது போலீசார் வழக்குப் பதிந்தனர்.விழுப்புரம் அடுத்த காங்கயேனுார் கிராமத்தைச் சேர்ந்தவர் முருகன் மகன் ஆகாஷ், 22; இவர் அதே பகுதியை சேர்ந்த தனது நண்பர்களான அன்பு, 23; அஜீத், 22; ஆகியோருடன் நேற்று முன்தினம் மது அருந்தினார்.இதனைப்பார்த்த ஆகாஷின் தாய் ராணி, 45; தனது மகனை கெடுப்பதாக அன்பு, அஜீத் ஆகியோரை திட்டினார். இதனால், ஆத்திரமடைந்த இருவரும் ராணி தாக்கினர். தடுத்த அவரது கணவர் முருகனையும் திட்டி தாக்கினர்.முருகன் கொடுத்த புகாரின் பேரில், அன்பு, அஜீத் ஆகியோர் மீது காணை போலீசார் வழக்குப் பதிந்து விசாரிக்கின்றனர்.