தொழிலாளியை தாக்கிய இருவர் மீது வழக்கு

விழுப்புரம்: வளவனுார் அருகே முன் விரோதத்தில் தொழிலாளியை மது போதையில் தாக்கிய இருவர் மீது போலீசார் வழக்கு பதிந்து தேடி வருகின்றனர். புதுச்சேரி மதகடிப்பட்டு அடுத்த நல்லுார் கிராமத்தை சேர்ந்தவர் முருகன் மகன் பிரதீப், 18; கூலி தொழிலாளி. கெங்கராம்பாளையம் டைல்ஸ் கடையில் வேலை செய்தார். நேற்று காலை குடிபோதையில் அங்கு வந்த அவரது உறவினர்கள், மதகடிப்பட்டு தியாகராஜன், 28; கதிர், 32; ஆகியோர், முன் விரோதம் காரணமாக பிரதீப்பிடம் தகராறு செய்து, தாக்கினர். காயமடைந்த பிரதீப் அருகில் உள்ள தனியார் மருத்துவமனையில் அனுமதிக்கப்பட்டார். இது குறித்த புகாரின் பேரில், வளவனூர் போலீசார் தியாகராஜன், கதிர் மீது வழக்கு பதிந்து தேடி வருகின்றனர்.