மயிலம் செவிலியர் கல்லுாரியில் மாணவர்கள் அறிமுக நிகழ்ச்சி

விழுப்புரம்: மயிலம் செவிலியர் கல்லுாரியில், பி.எஸ்சி., நர்சிங், துணை செவிலியர் படிப்பு, சுகாதார ஆய்வாளர் ஆகிய பிரிவுகளில் 7ம் ஆண்டு மாணவர்கள் அறிமுக விழா நடந்தது. தட்சசீலா பல்கலைக்கழகம் வேந்தர் தனசேகரன் தலைமை தாங்கினா். செயலாளர் நாராயணசாமி கேசவன், பொருளாளர் ராஜராஜன், இணைச் செயலாளர் வேலாயுதம் முன்னிலை வகித்தனர். மயிலம் செவிலியர் கல்லுாரி முதல்வர் தமிழ்ச்செல்வி வரவேற்றார். மயிலம் கல்விக்குழுமம் இயக்குனர் செந்தில் வாழ்த்தி பேசினார். மெட்ராஸ் மருத்துவக் கல்லுாரி, மருத்துவ துறையின் இணை இயக்குநர் டாக்டர் சங்கர் சண்முகம் சிறப்புரையாற்றினார். விழாவில், முதல்வர்கள் மயிலம் பொறியியல் கல்லுாரி ராஜப்பன், மயிலம் இன்ஸ்டிடியூட் ஆப் ஓட்டல் மேனேஜ்மென்ட் பாலகிருஷ்ணன் உட்பட துறை தலைவர்கள், மாணவர்கள், பெற்றோர்கள் பங்கேற்றனர். துணை பேராசிரியர் கிரிஜா நன்றி கூறினார்.