பழைய மாணவர்கள் சங்கமம்
அருப்புக்கோட்டை: அருப்புக்கோட்டை தேவாங்கர் ஆண்கள் மேல்நிலைப் பள்ளியில் 1982 ல், பிளஸ் 2 படித்த மாணவ, மாணவியர்களின் சங்கமம் பள்ளியில் 43 ஆண்டுகளுக்குப் பிறகு நேற்று முன்தினம் நடந்தது. பழைய மாணவர்கள் 69 பேர் தங்கள் குடும்பத்துடன் கலந்து கொண்டனர். மாணவர்கள் தங்கள் பழைய நினைவுகளை பகிர்ந்து கொண்டனர். நண்பர்களை தங்கள் குடும்பத்தாருக்கு அறிமுகம் செய்தனர். தங்களுக்கு பயிற்றுவித்த ஆசிரியர்களை கௌரவித்தனர். அனைவருக்கும் நினைவு பரிசு வழங்கப்பட்டது. ஏற்பாடுகளை விழா குழுவினர் செய்தனர்.