ராஜபாளையத்தில் வீடுகளில் பிரிட்ஜ் வெடித்து பொருட்கள் சேதம்

ராஜபாளையம்: சேத்துார் மேட்டுப்பட்டி, ராஜபாளையம் என இரண்டு இடங்களில் பிரிட்ஜ் வெடித்து வீட்டிலிருந்த துணிகள் உள்ளிட்ட பொருட்கள் எரிந்து சேதம் ஆகியுள்ளன. ராஜபாளையம் பூபால்பட்டி தெருவை சேர்ந்தவர் பேச்சிமுத்து 50, வெல்டிங் பட்டறை வைத்துள்ளார். நேற்று மதியம் வீட்டிலிருந்த பிரிட்ஜில் கேஸ் கசிவு ஏற்பட்டு வெடித்தது. இதில் புடவைகள், துணிகள், கட்டில் மெத்தை உள்ளிட்ட மர சாமான்களில் தீ பிடித்தது. * இதேபோல் சேத்துார் மேட்டுப்பட்டி சமத்துவபுரம் தெருவை சேர்ந்த கருப்பசாமி 45, தனியார் மில் தொழிலாளியின் வீட்டின் சமையலறை அருகே வைக்கப்பட்டிருந்த பிரிட்ஜ் கேஸ் கசிவு ஏற்பட்டு வெடித்ததில் துணிகள், மெத்தை, மரச்சாமான்களில் தீ பரவியது. தீயணைப்பு வீரர்கள் விரைந்து சென்று தீயை கட்டுப்படுத்தினர். முதல் கட்ட விசாரணையில் பிரிட்ஜில் ஏற்பட்ட கேஸ் கசிவு காரணம் என போலீசார் தெரிவித்துள்ளனர்.