கல்லுாரியில் கண்காட்சி

சிவகாசி: சிவகாசி எஸ்.எப்.ஆர்., மகளிர் கல்லுாரியில் பள்ளி மாணவர்களுக்கான கண்காட்சி நடந்தது. கல்லுாரி தலைவர் திலகவதி, செயலர் அசோக் நிர்வாக உறுப்பினர் ப்ரீத்தி தலைமை வகித்தனர். முதல்வர் சுதா பெரியதாய் குத்துவிளக்கேற்றினார். கூடங்குளம் அணுமின் நிலையம் மாசுக்கட்டுப்பாடு ஆய்வகம் அதிகாரி சுந்தர்ராஜன் துவக்கி வைத்தார். கல்லுாரியின் 22 கலை அறிவியல் துறையைச் சேர்ந்த மாணவிகள் கண்காட்சிகள் காட்சிப்படுத்தப்பட்டன. மாணவிகள் பள்ளி மாணவர்களுக்கு தங்களின் படைப்புகள் பற்றி விளக்கினர். சிவகாசி பகுதியைச் சேர்ந்த 14 பள்ளிகளை சேர்ந்த 1619 மாணவர்கள்,ஆசிரியர்கள் பங்கேற்றனர். ஏற்பாடுகளை கல்லுாரி கணிதத் துறை தலைவர் பெத்தநாச்சி செல்வம், கணினி பயன்பாட்டியல் துறை தலைவர் பாமினி உள்ளிட்டோர் செய்தனர்.