கந்தல் சாலை வீடியோவை பரப்பியவர் கைது

திருப்பத்துார்: திருப்பத்துார் மாவட்டம் ஆம்பூர் அடுத்த மேல் கூர்மாபாளையம் அடுத்த ரங்காபுரம் முதல் ராளகொளத்துார் வரை, 2.65 கி.மீ.,க்கு, 97.84 லட்சம் ரூபாய் மதிப்பில், கான்ட்ராக்டர் சக்திகணேஷ் வாயிலாக கடந்த, 2ல் சாலை போடப்பட்டது. தரமற்ற முறையில் இருந்த சாலை, ஒரே நாளில் குண்டும், குழியுமாக மாறியது. இதுகுறித்து வீடியோ பரவியது. மேலும், புதிய சாலை தரமற்று இருப்பதாக கூறி, மிட்டாளம் ஊராட்சி வார்டு உறுப்பினர் பிரகாஷ், அச்சாலையை, 20 மீட்டருக்கு பெயர்த்தெடுத்து, வீடியோ வெளியிட்டார்.இதனால், 2 லட்சம் ரூபாய் இழப்பீடு ஏற்பட்டதாக கூறி, கான்ட்ராக்டர் சக்திகணேஷ், உம்ராபாத் போலீசில் புகார் அளித்தார். பிரகாஷை கைது செய்து போலீசார் விசாரிக்கின்றனர்.