பெயர் மாற்றத்தைவிடச் சிந்தனை மாற்றமே தேவை: முதல்வர் ஸ்டாலின்

சென்னை: பெயர் மாற்றத்தைவிடச் சிந்தனை மாற்றமே தேவை என ராஜ் பவன்' இனி 'லோக் பவன்' என்றழைக்கப்படும் என்ற அறிவிப்பு குறித்து முதல்வர் ஸ்டாலின் சமூக வலைதளத்தில் பதிவிட்டுள்ளார்.மாநிலங்களில் உள்ள ராஜ் பவன்கள் இனி லோக் பவன் (மக்கள் பவன்) என்று அழைக்கப்படும் என மத்திய அரசு அறிவித்துள்ளது. 2024ம் ஆண்டு கவர்னர்கள் மாநாட்டில் முன்வைக்கப்பட்ட கோரிக்கையை ஏற்று இந்த அறிவிப்பை மத்திய அரசு வெளியிட்டது.இது தொடர்பாக, முதல்வர் ஸ்டாலின் வெளியிட்டுள்ள அறிக்கை: பெயர் மாற்றத்தைவிடச் சிந்தனை மாற்றமே தேவை. சட்டசபை = மக்கள் மன்றம்! சட்டசபையை மதிக்காதவர்கள், “மக்கள் மாளிகை” எனப் பெயர் மாற்றுவது கண் துடைப்பா? மக்களாட்சித் தத்துவத்தின் கண்களில் மண்ணைத் தூவுவதற்கா?மக்களால் தேர்ந்தெடுக்கப்பட்ட அரசுகளையும், மக்களின் விருப்பத்தை நிறைவேற்ற இறையாண்மையுள்ள சட்டசபையையும் மதிப்பதுதான் இப்போதைய தேவை. சிந்தனையிலும் செயலிலும் மாற்றம் இல்லையெனில், இதுவும் தேவையற்றதே. இவ்வாறு முதல்வர் ஸ்டாலின் கூறியுள்ளார்.