இரு விரைவு ரயில்களுக்கு கூடுதல் நிறுத்தம்
சென்னை: இரண்டு விரைவு ரயில்கள், தலா ஒரு ரயில் நிலையத்தில், கூடுதலாக நின்று செல்லும்' என, ரயில்வே அமைச்சர் அஸ்வினி வைஷ்ணவ் தெரிவித்துள்ளார்.இதுகுறித்து, அவர் தமிழக பா.ஜ., தலைவர் அண்ணாமலைக்கு அனுப்பியுள்ள கடிதம்:பயணியர் நலனை கருத்தில் வைத்து, எழும்பூர் - திருச்செந்துார் ரயில் பூதலுாரிலும், தாம்பரம் - செங்கோட்டை ரயில் சிதம்பரத்திலும் நின்று செல்ல அனுமதிக்க வேண்டும் என, கடந்த பிப்., 19ம் தேதி கடிதம் அனுப்பி இருந்தீர்கள். அந்த கோரிக்கை ஏற்கப்பட்டு, இரு விரைவு ரயில்களுக்கும், கூடுதல் நிறுத்தம் வழங்கி ஒப்புதல் அளிக்கப்பட்டுள்ளது.இவ்வாறு அதில் கூறப்பட்டுள்ளது.