இன்று அ.தி.மு.க., மா.செ.,க்கள் கூட்டம்

சென்னை: பரபரப்பான அரசியல் சூழலில், அ.தி.மு.க., மாவட்ட செயலர்கள் கூட்டம், இன்று நடக்க உள்ளது.சென்னை, ராயப்பேட்டையில் உள்ள, கட்சி தலைமை அலுவலகத்தில், இன்று காலை 10:00 மணிக்கு நடக்கும் கூட்டத்திற்கு, பொதுச் செயலர் பழனிசாமி தலைமை வகிக்க உள்ளார். கூட்டத்தில், மாவட்ட செயலர்கள், பிற மாநில செயலர்கள் பங்கேற்க உள்ளனர். நடிகர் விஜய், கட்சி துவக்கி உள்ள நிலையில், கட்சியினரை தக்க வைக்கவும், கட்சியை வளர்க்கவும் எடுக்க வேண்டிய நடவடிக்கைகள் குறித்து, கூட்டத்தில் ஆலோசிக்கப்பட உள்ளது. கட்சி ஆண்டு விழா பொதுக்கூட்டம் நடத்த தலைமை உத்தரவிட்டும், சில மாவட்ட செயலர்கள் கூட்டம் நடத்தவில்லை. அவர்களை எச்சரித்து, அனைவரும் கட்சிப் பணிகளை தீவிரப்படுத்த, பழனிசாமி உத்தரவிடுவார் என, கட்சி வட்டாரங்கள் தெரிவித்தன.