சென்னை - செங்கோட்டை சிறப்பு ரயில்கள் அறிவிப்பு

சென்னை:திருச்செந்துார் முருகன் கோவில் கும்பாபிஷேகத்தையொட்டி, எழும்பூரில் இருந்து செங்கோட்டைக்கு, வரும் 6, 7ம் தேதிகளில், சிறப்பு ரயில்கள் இயக்கப்பட உள்ளன.இது குறித்து, தெற்கு ரயில்வே நேற்று வெளியிட்ட அறிக்கை: எழும்பூரில் இருந்து, வரும் 6ம் தேதி இரவு 9:55 மணிக்கு புறப்படும் சிறப்பு ரயில், மறுநாள் காலை 11:30 மணிக்கு செங்கோட்டை சென்றடையும்செங்கோட்டையில் இருந்து, வரும் 7ம் தேதி இரவு 7:45 மணிக்கு புறப்படும் சிறப்பு ரயில், மறுநாள் காலை 9:05 மணிக்கு எழும்பூர் வந்தடையும்இந்த சிறப்பு ரயில்கள் செங்கல்பட்டு, விழுப்புரம், திருச்சி, திண்டுக்கல், மதுரை, திருநெல்வேலி வழியாக இயக்கப்படும். இந்த ரயில்களில் பயணம் செய்ய, இன்று காலை 8:00 மணிக்கு முன்பதிவு துவங்கும்.இவ்வாறு அதில் கூறப்பட்டுள்ளது.