வணிக சிலிண்டர் விலை ரூ.12.50 உயர்வு

சென்னை: சென்னையில், 19 கிலோ எடை கொண்ட வணிக சிலிண்டர் விலை, ரூ.12.50 உயர்த்தப்பட்டுள்ளது. வீட்டு சிலிண்டர் விலை மாற்றம் செய்யப்படவில்லை.இந்தியன் ஆயில், பாரத், ஹிந்துஸ்தான் பெட்ரோலியம் ஆகிய எண்ணெய் நிறுவனங்கள், வீடுகளுக்கு, 14.20 கிலோ எடையிலும்; வணிக பயன்பாட்டிற்கு, 19 கிலோ எடையிலும் சமையல் காஸ் சிலிண்டர்களை விற்பனை செய்கின்றன.சர்வதேச சந்தையில் நிலவும் கச்சா எண்ணெய் விலைக்கு ஏற்ப, மாதத்தின் முதல் நாளன்று, உள்நாட்டில் சமையல் காஸ் சிலிண்டர் விலையில் மாற்றம் செய்யப்படுகிறது.கடந்த ஜன., மாதம் வீட்டு சிலிண்டர், 918.50 ரூபாய்க்கு விற்பனையானது. இம்மாதம், அதன் விலை மாற்றம் செய்யப்படாமல், அதே விலை நிர்ணயம் செய்யப்பட்டுள்ளது.டிசம்பரில், வணிக சிலிண்டர், 1,924.50 ரூபாய்க்கு விற்பனையானது. இம்மாதம், அந்த சிலிண்டர் விலை, 12.50 ரூபாய் உயர்த்தப்பட்டு, 1,937 ரூபாயாக நிர்ணயம் செய்யப்பட்டுள்ளது.