தி.மு.க., எம்.எல்.ஏ., கார் மோதி முதியவர் பலி

காரியாபட்டி: விருதுநகர் மாவட்டம் காரியாபட்டி அருகே ராமநாதபுரம் தொகுதி தி.மு.க., எம்.எல்.ஏ., காதர்பாட்சா என்ற முத்துராமலிங்கத்தின் குடும்பத்தினர் சென்ற கார் டூவீலரில் மோதியதில் முதியவர் லட்சுமணன் 60, பலியானார். காரியாபட்டி கீழஅழகியநல்லூரைச் சேர்ந்த லட்சுமணன் ரியல் எஸ்டேட் தொழில் செய்து வந்தார். நேற்று காரியாபட்டிக்கு டூவீலரில் வந்தவர் மாலை 6:30மணிக்கு வீடு திரும்பினார் (ஹெல்மெட் அணியவில்லை). காரியாபட்டி கரிசல்குளம் விலக்கில் திரும்பி ரோட்டை கடக்க முயன்ற போது மதுரையிலிருந்து கமுதிக்கு டிரைவர் மணிகண்டன் 32, ஓட்டி சென்ற ராமநாதபுரம் தி.மு.க., எம்.எல்.ஏ., முத்துராமலிங்கம் குடும்பத்தினர் சென்ற கார் மோதியது. இதில் பலத்த காயமடைந்த லட்சுமணன் காரியாபட்டி அரசு மருத்துவமனைக்கு கொண்டு செல்லும் வழியில் இறந்தார். காரியாபட்டி போலீசார் விசாரிக்கின்றனர்.