வார இறுதியில் உயர்ந்த தங்கம் விலை: ஒரு சவரன் ரூ.64,320!

சென்னை: சென்னையில் இன்று (மார்ச் 08) 22 காரட் ஆபரண தங்கத்தின் விலை சவரனுக்கு ரூ.80 உயர்ந்து ஒரு சவரன் ரூ.64,320க்கும் விற்பனை செய்யப்படுகிறது.தமிழகத்தில் கடந்த சில தினங்களாக தங்கம் விலை ஏற்றம், இறக்கம் கண்டு வருகிறது. மார்ச் 06ம் தேதி காலை 9:30 மணிக்கு தங்கம் விலை கிராமுக்கு, 45 ரூபாய் குறைந்து, 8,020 ரூபாய்க்கு விற்பனையானது. சவரனுக்கு 360 ரூபாய் சரிவடைந்து, 64,160 ரூபாய்க்கு விற்கப்பட்டது. மதியம் 12:30 மணிக்கு தங்கம் விலை கிராமுக்கு 40 ரூபாய் அதிகரித்து, 8,060 ரூபாய்க்கு விற்கப்பட்டது. சவரனுக்கு 320 ரூபாய் உயர்ந்து, 64,480 ரூபாய்க்கு விற்பனையானது.நேற்று (மார்ச் 07) 22 காரட் ஆபரணத் தங்கத்தின் விலை சவரனுக்கு ரூ.240 குறைந்து ஒரு சவரன் ரூ.64.240க்கும், ஒரு கிராம் ரூ.8,030க்கும் விற்பனை செய்யப்பட்டது. இந்நிலையில், இன்று (மார்ச் 8) தங்கம் விலை கிராமுக்கு ரூ.10 உயர்ந்து, ஒரு கிராம் ரூ.8,040க்கும், சவரனுக்கு ரூ.80 உயர்ந்து, ஒரு சவரன் ரூ.64,320க்கும் விற்பனை செய்யப்படுகிறது. வார இறுதியில் தங்கம் விலை சற்று உயர்ந்துள்ளது.