எம்.ஜி.ஆர்., பிறந்த நாள் பிரதமர் மோடி வாழ்த்து
சென்னை: 'எம்.ஜி.ஆரின் முயற்சிகளால், நாம் பெரிதும் எழுச்சி பெற்றுள்ளோம்' என, பிரதமர் நரேந்திரமோடி தெரிவித்துள்ளார். எம்.ஜி.ஆர்., பிறந்த நாளையொட்டி, அவர் வெளியிட்ட அறிக்கை:எம்.ஜி.ஆரின் பிறந்த நாளில், அவருக்கு மரியாதை செலுத்துகிறேன். ஏழைகளுக்கு அதிகாரம் அளிக்கவும், மேம்பட்ட சமூகத்தை கட்டமைக்கவும், அவர் மேற்கொண்ட முயற்சிகளால், நாம் பெரிதும் எழுச்சி பெற்றுஉள்ளோம். த.வெ.க., தலைவர் நடிகர் விஜய் அறிக்கை:அளவற்ற வறுமையை தாண்டினார். கூத்தாடி என்ற கூற்றை சுக்குநுாறாக உடைத்து, தமிழக அரசியல் வரலாற்றின் மையம் ஆனார். அசைக்க முடியாத வெற்றியாளர் ஆனார். அவரே தமிழக அரசியலின் அதிசயம் ஆனார். இறந்தும் வாழும் எம்.ஜி.ஆருக்கு பிறந்த நாள் வணக்கம்.இவ்வாறு அவர் கூறியுள்ளார்.