ஸ்டாலினுக்கு போலீஸ் பாதுகாப்பு குறைப்பு!

சென்னை: முன்னாள் முதல்வரும், திமுக தலைவருமான ஸ்டாலின் வீட்டில், திடீரென போலீஸ் பாதுகாப்பு குறைக்கப்பட்டுள்ளது.சென்னை ஆழ்வார்ப்பேட்டை, சித்தரஞ்சன் சாலையில், ஸ்டாலின் வீடு உள்ளது. அந்த வீட்டை சுற்றி, 4 நுழைவாயில்களில் 24 மணி நேரமும், 20 போலீசார் பாதுகாப்பு பணியில் ஈடுபட்டு வந்தனர். அந்த பாதுகாப்பு, தற்போது பாதியாக குறைக்கப்பட்டு உள்ளது. https://static.vidgyor.com/player/vod/html/indexv2.html?videoId=3mwjagc6&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0இதுகுறித்து துணை கமிஷனர் ஒருவர் கூறியதாவது:மாநில பாதுகாப்பு ஆய்வுக் குழு கூட்டம், சமீபத்தில் சென்னை தலைமைச் செயலகத்தில் நடந்தது. சென்னையில் போலீஸ் பாதுகாப்பு அளிக்கப்படும் தலைவர்கள் குறித்தும், அவர்களுக்கான பாதுகாப்பை குறைப்பது குறித்தும் ஆலோசனை நடந்தது.அதில் எடுத்த முடிவுகள் அடிப்படையில், திமுக தலைவர் ஸ்டாலின் வீட்டை சுற்றி 4 இடங்களில் அளிக்கப்பட்டு வந்த போலீஸ் பாதுகாப்பு, 2 இடங்களாக குறைக்கப்பட்டு உள்ளது. இரண்டு தலைமைக் காவலர்கள் உட்பட, 10 போலீசார், இரண்டு நுழைவாயில்களிலும் பாதுகாப்பு பணியில் ஈடுபடுவர்.இவ்வாறு அவர் கூறினார்.