உங்களுடன் ஸ்டாலின் சிறப்புத் திட்டம் ஏமாற்று வேலை: அன்புமணி கண்டனம்
சென்னை: உங்களுடன் ஸ்டாலின் சிறப்புத் திட்டம் மோசமான ஏமாற்று வேலை என்று பா.ம.க., தலைவர் அன்புமணி கண்டனம் தெரிவித்துள்ளார்.அவரது அறிக்கை:தமிழக மக்களுக்கு அரசின் சேவைகளை வழங்குவதற்காக உங்களுடன் ஸ்டாலின் திட்ட முகாம்கள் வரும் 15ம் தேதி தொடங்கி டிசம்பர் 14ம் தேதி வரை நடைபெறும் என்று அறிவிக்கப்பட்டிருக்கிறது. மக்களுக்கு தினமும் வழங்கப்பட வேண்டிய உணவை வழங்காமல் பறித்து வைத்துக் கொண்டு 5 ஆண்டுகளுக்கு ஒருமுறை வழங்குவது எவ்வளவு பெரிய ஏமாற்று வேலையோ, அதைவிட மோசமான ஏமாற்று வேலை தான் உங்களுடன் ஸ்டாலின் திட்டம் ஆகும். இத்திட்டத்தின் பெயரால் மக்களை அரசு ஏமாற்றுவது கண்டிக்கத்தக்கது. இவ்வாறு அன்புமணி அறிக்கையில் கூறியுள்ளார்.