கனடா அமைச்சரவையில் இந்திய பெண்கள் இருவருக்கு வாய்ப்பு

ஒட்டாவா: கனடா புதிய அமைச்சரவையில் இந்திய வம்சாவளியை சேர்ந்த இரண்டு பெண்களுக்கு வாய்ப்பு கிடைத்துள்ளது. இதில் ஒருவர் டில்லியை சேர்ந்தவர் ஆவர்.வட அமெரிக்க நாடான கனடாவின் பிரதமராக பதவி வகித்த ஜஸ்டின் ட்ரூடோ, தன்னுடைய லிபரல் கட்சிக்குள் செல்வாக்கு குறைந்ததால் கடந்த ஜனவரியில் தன் பிரதமர் பதவியையும், கட்சி தலைவர் பதவியையும் ராஜினாமா செய்தார். இதையடுத்து லிபரல் கட்சி தலைவராக மார்க் கார்னி சமீபத்தில் தேர்வு செய்யப்பட்டார். கனடாவின் புதிய பிரதமராகவும் தேர்வு செய்யப்பட்டார். அவர் கனடாவின் 24வது பிரதமராக பொறுப்பேற்றார். அதேநேரத்தில், கனடா புதிய அமைச்சரவையில் இந்திய வம்சாவளியை சேர்ந்த இரண்டு பெண்களுக்கு வாய்ப்பு கிடைத்துள்ளது. இதில் டில்லியில் கமல் கேராவும் ஒருவர். இந்தோ - கனடாவை சேர்ந்த அனிதா ஆனந்த் மற்றும் டில்லியில் பிறந்த கமல் கேரா ஆகியோர் பிரதமர் மார்க் கார்னியின் அமைச்சரவையில் இணைந்துள்ளனர்.

யார் இந்த அனிதா, கமல் கேரா?

* 58 வயதான அனிதா ஆனந்த புதுமை, அறிவியல் மற்றும் தொழில்துறை அமைச்சராகவும், 36 வயதான கமல் கேரா சுகாதார அமைச்சராகவும் உள்ளனர்.* டில்லியில் பிறந்த கமல் கேராவின் குடும்பம் அவர் பள்ளியில் படிக்கும்போதே கனடாவுக்கு குடிபெயர்ந்தது. பின்னர் அவர் டொராண்டோவின் யார்க் பல்கலைக்கழகத்தில் கேரா இளங்கலை அறிவியல் பட்டம் பெற்றார்.* பார்லிமென்டிற்கு தேர்வு செய்யப்பட்ட எம்.பி.,க்களில் இளம் பெண்களில் ஒருவர் கமல் மேரா.* 13 ஆண்கள் மற்றும் 11 பெண்களைக் கொண்ட கார்னியின் அமைச்சரவை, ஜஸ்டின் ட்ரூடோவின் அமைச்சரவையை விட சிறியது என்பது குறிப்பிடத்தக்கது.இது குறித்து, டில்லியில் பிறந்த கமல் கேரா சமூக வலைதளத்தில் வெளியிட்டுள்ள பதிவில் கூறியிருப்பதாவது: ஒரு செவிலியராக, எனது நோயாளிகளுக்கு ஆதரவளிக்க எப்போதும் இருப்பதே எனது முதன்மையான முன்னுரிமை. அதே மனநிலை உடன் சுகாதார துறை அமைச்சராக பணியாற்றுவேன். பிரதமர் மார்க் கார்னியின் நம்பிக்கைக்கு மிகவும் நன்றியுள்ளவராக இருக்கிறேன், என்றார்.