பசியை துாண்டும் பலாக்காய் கட்லெட்

செய்முறை

பலாக்காயை கொட்டையை நீக்கி, மிக்சியில் லேசாக அரைத்து கொள்ளவும். இஞ்சி, பூண்டை நசுக்கி வைக்கவும். அடுப்பில் வாணலியை வைத்து, எண்ணெய் ஊற்றுங்கள். காய்ந்ததும் சீரகம், பச்சை மிளகாயை போட்டு வறுத்து கொள்ளவும், இதில் அரைத்து வைத்த பலாக்காயை சேர்த்து கிளறவும். அதன்பின் தேவையான அளவு உப்பு, மிளகாய் துாள், பொடியாக நறுக்கிய கொத்துமல்லி தழை, எலுமிச்சை சாறு ஊற்றி நன்றாக கிளறவும். அதன்பின் அடுப்பில் தோசைக்கல்லை வைத்து, தயார் செய்து வைத்துள்ள கலவை சிறு, சிறு உருண்டைகளாக்கி தேவையான வடிவில் தட்டி, தோசைக்கல்லில் போட்டு, எண்ணெய் ஊற்றி இரண்டு பக்கமும் பொன்னிறமாக வேக வைத்து எடுக்கவும்.சுவையான பலாக்காய் கட்லெட் ரெடி. தொட்டு கொள்ள புதினா சட்னி அல்லது தக்காளி சாஸ் பொருத்தமாக இருக்கும்.