குழந்தைகளின் எடை அதிகரிக்க வாழைப்பழ உருண்டை

நீங்கள் செய்யக்கூடிய தின்பண்டங்கள் வெறும் சுவைக்காக மட்டுமில்லாமல், ஊட்டச்சத்து நிறைந்ததாக இருக்க வேண்டும். குழந்தைகளின் உடல் ஆரோக்கியத்தை பாதுகாக்கும் வகையில், இந்த வாரம் வாழைப்பழங்களை கொண்டு, 'வாழைப்பழ உருண்டை' செய்வது குறித்து பார்க்கலாம். தேவையான பொருட்கள் l செவ்வாழை -- 1 கப் l நெய் -- 100 கிராம் l ரவை -- ஒரு கப் l பால் -- ஒரு கப் l சர்க்கரை -- ஒரு கப் l தேங்காய் துருவல் -- ஒரு கப் l ஏலக்காய் துாள் -- 2 டீஸ்பூன் l செய்முறை: l ஒரு கடாயை அடுப்பில் வைத்து 2 டீஸ்பூன் நெய் ஊற்றிக் கொள்ளவும். l நெய் சிறிது சூடேறியதும், வெட்டி வைத்துள்ள 2 செவ்வாழை பழங்களைச் சேர்த்துக் கொள்ள வேண்டும். l நெய், செவ்வாழை இரண்டும் நன்கு வதங்கி வரும் போது, ஒரு கப் ரவையை அதில் சேர்க்கவும். l ஐந்து நிமிடத்திற்கு வதக்கிய பின், தேங்காய் துருவலையும் சேர்த்து நன்கு கிளறுங்கள். l இதனுடன் ஒரு கப் பால் சேர்த்து, ரவையை நன்கு வேக வைக்கவும். பின், இதனுடன் ஒரு கப் சர்க்கரை, சிறிதளவு ஏலக்காய் துாள் சேர்த்து கொள்ளவும். l இந்த கலவையை மிதமான சூட்டில் ஐந்து நிமிடம் வைத்திருங்கள். l கைகளால் தொடும் சூடு இருக்கும் போது சிறிய சிறிய உருண்டைகளாக உருட்டி கொள்ளுங்கள். l இதையடுத்து ஒரு கடாயில் நெய் அல்லது எண்ணெய் ஊற்றி, உருண்டைகள் அனைத்தும் பொன்னிறமாகும் வரை பொரித்து எடுத்தால் போதும். சுவையான வாழைப்பழ உருண்டை ரெடி - நமது நிருபர் - .