மொறுமொறுப்பான வெண்டைக்காய் குர்குரே

- நமது நிருபர் -: உடலுக்கு பல நன்மைகள் அளிக்கக்கூடிய வெண்டைக்காய் தவிர்க்கப் படுகிறது. வெண்டைக்காய் பொரியல், வெண்டைக்காய் குழம்புகளை குழந்தைகள் விரும்புவதில்லை. அவர்களுக்கு பிடித்த வகையில் வெண்டைக்காய் குர்குரே செய்து கொடுத்தால், மொறுமொறுப்பாகவும், ருசியாகவும் உள்ளதென விரும்பிச் சாப்பிடுவர். தேவையான பொருட்கள் l வெண்டைக்காய் - அரை கிலோ l கடலை மாவு - ஒரு கப் l அரிசி மாவு - ஒரு கப் l உலர் மாங்காய் பொடி - ஒரு ஸ்பூன் l உப்பு - தேவையான அளவு l கடலை எண்ணெய் - ஒரு ஸ்பூன் l மஞ்சள் துாள் - கால் ஸ்பூன் l சீரகத் துாள் - அரை ஸ்பூன் l மல்லித் துாள் - ஒரு டீஸ்பூன் l சாட் மசாலா அல்லது கரம் மசாலா - ஒரு ஸ்பூன் செய்முறை l அரை கிலோ வெண்டைக்காயை தண்ணீரில் நன்றாக கழுவி, அரை மணி நேரம் வெயிலில் காய விடவும். l தண்ணீர் நன்கு உறிஞ்சிய பின் வெண்டைக்காயில் உள்ள விதைகளை நீக்கிவிட்டு, நீட்டமாக வெட்டவும். ஒரு சொட்டு தண்ணீர் அல்லது ஈரத்தன்மை இருந்தாலும் கூட மொறுமொறுப்பு கிடைக்காது; ரோஸ்ட் போலவும் இருக்காது. l இதனுடன் தலா ஒரு கப் கடலை மாவு, அரிசி மாவு சேர்த்து கலக்கவும். அடுத்ததாக உலர் மாங்காய் பொடி ஒரு ஸ்பூன், சாட் மசாலா ஒரு ஸ்பூன் சேருங்கள். சாட் மசாலா இல்லையென்றால், கரம் மசாலா பயன்படுத்தலாம். l இப்போது கால் டீஸ்பூன் மஞ்சள் துாள், அரை டீஸ்பூன் சீரகத்துாள், ஒரு டீஸ்பூன் மல்லித்துாள் சேருங்கள். l இறுதியாக தேவையான அளவு உப்பு போட்டு அனைத்தையும் நன்றாக கலந்து, 10 நிமிடம் அப்படியே விட்டு விடுங்கள். மசாலா பொருட்கள் வெண்டைக்காயில் ஊறட்டும். l இதற்கிடையில், வாணலியில் கடலெண்ணெய் ஊற்றி சூடுபடுத்தவும். எண்ணெய் சூடாகி விட்டதா என ஒரு வெண்டைக்காய் போட்டு பார்க்கவும். l அடுப்பை மிதமான தீயில் வைத்து வெண்டைக்காயை உதிரி உதிரியாக எண்ணெயி-ல் போடுங்கள். l மிதமான சூட்டில், 3-4 நிமிடங்களில் வெண்டைக்காய் குர்குரே தயாராகி விடும். ஆரம்பத்தில் நீக்கிய விதைகளை எண்ணெயில் பொரித்து சாப்பிடலாம். l இதை மாலை நேரத்து ஸ்நாக் அல்லது மதிய வேளையில் குச்சி சிப்ஸ் போல கலவை சாதங்களுடன் குழந்தைகளுக்கு கொடுக்கலாம்.