தக்காளியில் பாயசமா?

குழந்தைகள் முதல் பெரியவர்கள் வரை அனைவரும் விரும்பி சாப்பிடுவது பாயசம் தான். இந்த வாரம் தக்காளி பழங்களால் செய்யப்பட்ட பாயசத்தை செய்து பார்க்கலாம். செய்முறை  தக்காளி பழங்களை நன்கு கழுவி, வேக வைத்து எடுத்துக் கொள்ளவும்.  தக்காளியை அதிக நேரம் வேக வைக்கக்கூடாது. கொஞ்சமாக வேக வைத்து, தோலுரித்து எடுத்துக் கொள்ளவும்.  மிக்ஸி அல்லது கைகளால் தக்காளியை நன்கு பிழிந்து சாறு எடுத்துக் கொள்ளவும். விதைகள் எதுவும் தேவையில்லையென்றால் வடிகட்டியில் வடித்துக் கொள்ளலாம்.  இதையடுத்து அரிசி, தேங்காய் பூ, முந்திரி மற்றும் கிராம்பு துாள் போன்றவற்றை சேர்த்து, நைசாக அரைத்துக் கொள்ளவும்.  பின், ஒரு பாத்திரத்திற்கு மாற்றிய பின், ஏற்கனவே அரைத்து வைத்துள்ள தக்காளி சாறையும், இதனுடன் சேர்த்துக் கொள்ளவும்.  தற்போது தக்காளி பாயசம் செய்வதற்கான கலவை ரெடி. இதையடுத்து அடுப்பை மிதமான சூட்டில் வைத்து தக்காளி சாறை கொதிக்க விடவும்.  ஐந்து நிமிடங்கள் கொதித்த பின், ஏலக்காய் மற்றும் கிராம்புத்துாள் போன்றவற்றை சேர்த்து கொதிக்க விட்டு இறக்கவும்.  இறுதியாக நெய்யில் முந்திரி, திராட்சை போன்றவற்றை வறுத்து, தக்காளி கலவையுடன் சேர்த்தால் போதும் சுவையான தக்காளி பாயசம் ரெடி. - நமது நிருபர் -