10 நிமிடங்களில் சிப்பி காளான் வறுவல்

பட்டன் காளான், மொட்ட காளான் போன்றே சிப்பி காளானும் பிரபலமாகி வருகிறது. காளானில் புரோட்டீன் அதிகம் உள்ளதால், குழந்தைகள் முதல் பெரியவர்கள் வரை அனைவரும் எவ்வித தயக்கமும் இன்றி உணவு முறையில் சேர்த்து கொள்ளலாம். செய்முறை  முதலில் பாக்கெட்டுகளில் உள்ள சிப்பி காளான்களை அலசி, தண்ணீர் இல்லாமல் நன்கு பிழிந்து எடுத்துக் கொள்ளவும்.  ஒரு வாணலியில் எண்ணெய் ஊற்றி கடுகு, கறிவேப்பிலை போட்டு தாளித்து கொள்ளுங்கள்.  கடுகு, கறிவேப்பிலை நன்கு பொரிந்ததும், இதனுடன் நறுக்கிய பெரிய வெங்காயத்தை சேர்த்து பொன்னிறமாக வதக்கவும்.  நன்கு வதங்கியதும் காளான், கரம் மசாலா துாள், மிளகாய் துாள் மற்றும் உப்பு சேர்த்து கிளறி விடவும்.  காளான் நன்கு வேக வேண்டும் என தண்ணீர் சேர்க்க வேண்டாம். காளானில் தண்ணீர் அதிகளவில் இருக்கும் என்பதால் அதுவே போதும்.  காளான் நன்கு சுருள வதங்கியதும் அடுப்பை அணைத்தால் போதும். சுவையான, ஆரோக்கியம் நிறைந்த சிப்பி காளான் வறுவல் ரெடி. - நமது நிருபர் -