அமெரிக்காவின் பாட்காஸ்டர் லெக்ஸ் ஃப்ரிட்மேனுக்கு பிரதமர் மோடி அளித்த பேட்டி உலக அளவில் கவனம் ஈர்த்தது. பேட்டியில் பாகிஸ்தான் பற்றி மோடி பேசியதை அந்த நாடு சர்ச்சையாக்கி பரபரப்பை ஏற்படுத்தி உள்ளது. இப்போது பாகிஸ்தானின் மூக்கை உடைத்து இந்தியா பதிலடி கொடுத்துள்ளது. அப்படி என்ன நடந்தது என்பதை பார்க்கலாம். பாட்காஸ்டில் காஷ்மீர் விவகாரத்தை சுட்டிக்காட்டி பேசிய மோடி, பாகிஸ்தானுடன் நட்பை வளர்க்க இந்தியா எடுத்த முயற்சிக்கு எல்லாம் துரோகமே பதிலாக கிடைத்தது என்றார். அவர் கூறியது: பாகிஸ்தான் எப்போதும் இணக்கமாக இருக்க விரும்பியதே இல்லை. என்ன நடந்தாலும் இந்தியாவை எதிர்த்து நிற்க வேண்டும் என்பதில் உறுதியாக உள்ளனர். இந்தியா-பாகிஸ்தான் இடையே புதிய உறவை கொண்டு வர நான் முயற்சி செய்தேன்.