இசையமைப்பாளர் ஏஆர்.ரகுமான், சாய்ரா பானு தம்பதியரின் 29 ஆண்டு திருமண வாழ்க்கை கடந்த வாரம் முடிவுக்கு வந்தது. நிரப்ப முடியாத அளவுக்கு இருவரிடையே இடைவெளி ஏற்பட்டதால் கனத்த இதயத்துடன் பிரிகிறோம் என அறிவித்தனர். இவர்களது விவாகரத்து வெளியான சில மணிநேரங்களில் ஏ.ஆர்.ரகுமானிடம் கிட்டாரிஸ்ட் ஆக இருக்கும் மோகினி டே கணவர் மார்க் ஹர்ட்சச்சை Mark Hartsuch விவாகரத்து செய்வதாக அறிவித்தார். இதனால் ரகுமான், மோகினியை இணைத்து சமூக வலைதளங்களில் கருத்துக்கள் பதிவிடப்பட்டன. இருவரைப் பற்றி தினம் தினம் புதுக்கதைகள் சமூக வலைதளங்களில் வெளியாகும் நிலையில், அமெரிக்காவில் இருக்கும் மோகினி டே தன்னிலை விளக்கம் அளித்துள்ளார். எனக்கும் ஏ.ஆர்.ரகுமானுக்கும் எதிராக தவறான மற்றும் ஆதாரமற்ற தகவல்கள் பரப்பப்படுவது அதிர்ச்சியளிக்கிறது. நம்பமுடியாததாக இருக்கிறது. 2 சம்பவங்களை இணைத்து கொச்சைப்படுத்துவதை ஒரு குற்றமாகவே நினைக்கிறேன்.