93வது விமானப்படை தினத்தையொட்டி, விமானப்படையின் சாதனைகள் பற்றி விமானப்படை தளபதி அமர்ப்ரீத் சிங் கூறினார். ஆபரேஷன் சித்தூர் பற்றி பேசிய அவர், இந்த ஆண்டின் சிறந்த கூட்டு ராணுவ நடவடிக்கை என்றார். இந்த தாக்குதல் நமது விமானப்படையின் வலிமையை வெளிக்காட்டியது. பாகிஸ்தான் வான்வெளியில் நீண்டதூரம் நுழைந்து தாக்குதல் நடத்தியதற்கான சான்றுகள் நம்மிடம் உள்ளன. பாகிஸ்தானுக்குள் சுமார் 300 கிலோ மீட்டர் புகுந்து பந்தாடியது நீண்டதூர தாக்குதலின் ஹைலைட். பாகிஸ்தானின் 8 முதல் 10 போர் விமானங்களை சுட்டு வீழ்த்தினோம். அதில் 4 முதல் 5 விமானங்கள் அமெரிக்காவின் F16 மற்றும் சீனாவின் JF17 ரக போர் விமானங்களாக இருக்கலாம். ஒரு கண்காணிப்பு விமானத்தையும் தூள் தூள் ஆக்கினோம். போர் விமானங்கள் தவிர, தரையில் உள்ள டார்கெட்டுகள் மீதும் துல்லிய தாக்குதல் நடத்தி அழிக்கப்பட்டது. 4 இடங்களில் ரேடார்கள், 2 இடங்களில் உள்ள கட்டளை மற்றும் கட்டுப்பாட்டு மையங்கள், 2 ஓடுபாதைகள், ஏர்போர்ட்டில் விமானங்கள் நிறுத்தி வைக்கும் இடமான 3 ஹேங்கர்கள் hangers, தரையில் இருந்து ஏவுகணை ஏவும் அமைப்பும் அழிக்கப்பட்டன.