தமிழகத்தில் உள்ள 15 லட்சத்துக்கு அதிகமாக அரசு ஊழியர்கள், ஆசிரியர்கள் பழைய ஓய்வூதிய திட்டத்தை அமல்படுத்தக் கோரி தொடர்ந்து போராட்டம் நடத்தி வருகின்றனர். பழைய ஓய்வூதியத் திட்டத்தை மீண்டும் கொண்டு வருவோம் என 2021 தேர்தல் அறிக்கையில் திமுக வாக்குறுதி அளித்திருந்தது. ஆட்சியே முடியப்போகும் நிலையிலும், அதுபற்றிபேசக்கூட முதல்வர் ஸ்டாலின் தயாராக இல்லாதது, அரசு ஊழியர்கள், ஆசிரியர்களை கொந்தளிக்க வைத்துள்ளது. சட்டசபை தேர்தல் நடக்க இன்னும் சில மாதங்களே உள்ள நிலையில், பழைய ஓய்வூதிய திட்டம், பணி நிரந்தரம் உள்ளிட்ட கோரிக்கைகளை வலியுறுத்தி, அரசு ஊழியர்கள், ஆசிரியர்கள், பஸ் ஊழியர்கள், தூய்மைப்பணியாளர்கள் என அனைத்து தரப்பினரும் போராடத் துவங்கியிருப்பது திமுக அரசுக்கு கடும் தர்மசங்கடத்தை ஏற்படுத்தி உள்ளது.