மலையாள நடிகர்கள் முகேஷ், சித்திக், ஜெயசூர்யா, டைரக்டர் ரஞ்சித் உள்ளிட்ட பிரபலங்கள் மீது நடிகைகள் சுமத்திய பாலியல் குற்றச்சாட்டுகள் கேரள சினிமாவில் பெரும் பரபரப்பை ஏற்படுத்தியுள்ளது. புகாரில் சிக்கிய நடிகர் முகேஷ் மார்க்சிஸ்ட் கம்யூனிஸ்டை சேர்ந்தவர். கொல்லம் எம்எல்ஏவாக உள்ளார். அதனால் இந்தப் பிரச்னையை கையில் எடுத்துள்ள காங்கிரஸ், முகேஷ் எம்எல்ஏ பதவியை ராஜினாமா செய்ய வலியுறுத்தி கேரளா முழுவதும் போராட்டம் நடத்தி வருகிறது. புகார் கூறப்பட்ட உடனே பதவி விலக வேண்டிய தேவையில்லை என மார்க்சிஸ்ட் நிராகரித்தது. ஆனாலும் முகேஷ்க்கு எதிராக காங்கிரசார் தொடர்ந்து போராடி வரும் நிலையில், கேரள காங்கிரஸ் தலைவர்களுக்கு எதிராக பகீர் புகாரை கூறிள்ளார், பெண் காங்கிரஸ் தலைவர். சிமி ரோஸ்பெல் ஜான் அகில இந்திய காங்கிரஸ் கமிட்டியின் முன்னாள் உறுப்பினர் ஆவார்.