ஆடி ஸ்போர்ட்ஸ் கார் முன்பதிவு துவக்கம்
'ஆடி' நிறுவனம், அதன் மேம்படுத்தப்பட்ட 'ஆர்.எஸ்., க்யூ8' ஸ்போர்ட்ஸ் காரை அடுத்த மாதம் அறிமுகப்படுத்த உள்ளது. இந்நிலையில், இதன் முன்பதிவுகள் துவங்கி உள்ளதாக அதிகாரப்பூர்வ அறிவிப்பு வெளியிடப்பட்டுள்ளது.இதை, 5 லட்சம் ரூபாய் செலுத்தி முன்பதிவு செய்து கொள்ளலாம். இணையதளத்தில் முன்பதிவு செய்ய, ஆடி இந்தியா வலைதளத்திலோ அல்லது 'மை ஆடி கனெக்ட்' என்ற செயலியின் வாயிலாகவோ முன்பதிவை மேற்கொள்ளலாம்.இந்த கார், இந்நிறுவனத்தின் அதிவேக 'ஸ்போர்ட்ஸ் கூபே' கார் ஆகும். இந்த காரில், 4 லிட்டர், வி - 8, டுவின் டர்போ 'டி.எப்.எஸ்.ஐ.,' பெட்ரோல் இன்ஜின் வழங்கப்பட்டுள்ளது. இது, 640 ஹெச்.பி., பவரையும், 850 என்.எம்., டார்க்கையும் வெளிப்படுத்துகிறது.